მთავრობის ადმინისტრაციის პრესსამსახურის ცნობით, მთავრობის ადმინისტრაციაში გამართულ შეხვედრაზე მიღებული გადაწყვეტილებით 150 000-ზე მეტ პენსიონერს სესხის პროცენტი შეუმცირდება.
„საქართველოს პრემიერ-მინისტრი ირაკლი კობახიძე ეროვნული ბანკის პრეზიდენტის მოვალეობის შემსრულებელს, ნათია თურნავას და „ლიბერთი ბანკის“ გენერალურ დირექტორს, ბექა გოგიჩაიშვილს შეხვდა. შეხვედრაზე მიღებული გადაწყვეტილებით, 150 000-ზე მეტ პენსიონერს, რომლებმაც სესხი აიღეს 2023 წლამდე, სესხის პროცენტი შეუმცირდებათ და გაუტოლდება იმ პროცენტს, რომელიც დაწესებულია 2023 წლიდან“, – ვკითხულობთ მთავრობის პრესსამსახურის მიერ გავრცელებულ ცნობაში.
პრესსამსახურის ცნობით, შეხვედრაზე აღინიშნა, რომ აღსრულების ნაწილსა და კონკრეტულ დეტალებზე „ლიბერთი ბანკი“ ეროვნულ ბანკთან ერთად გააგრძელებს მუშაობას. საკითხის განხილვისას მთავრობის მეთაურმა ხაზი გაუსვა, რომ მნიშვნელოვანია დროულად დაიწყოს შემდეგი ეტაპი და პენსიონერებმა განახლებული პირობებით შეძლონ სარგებლობა.
