დღეს, 12 იანვარს ბოლო 24 საათში კორონავირუსით ინფიცირების 1857 ახალი დადასტურებული შემთხვევა გამოვლინდა, გამოჯანმრთელდა 993 პირი, გარდაიცვალა 24 პაციენტი. ინფორმაციას მთავრობის ადმინისტრაცია ავრცელებს.
დღეს ქვეყანაში გამოვლენილი ინფიცირების 1 857 ახალი შემთხვევიდან:
- თბილისში გამოვლენილია 754 შემთხვევა;
- აჭარა-97;
- იმერეთი-334;
- ქვემო ქართლი-143;
- შიდა ქართლი-113;
- გურია-30;
- სამეგრელო-ზემო სვანეთი-158;
- კახეთი-147;
- მცხეთა-მთიანეთი-41;
- სამცხე-ჯავახეთი-29;
- რაჭა-ლეჩხუმი და ქვემო სვანეთი-11.
მთავრობის ადმინისტრაციის განცხადებით, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 17 795 კვლევა ტესტით, მათ შორის 11 934 კვლევა ანტიგენის ტესტით და 5 861 PCR ტესტით.
ამ ეტაპზე კორონავირუსით ინფიცირების 11 583 აქტიური შემთხვევაა, საიდანაც: 3 879 ადამიანი მკურნალობს საავადმყოფოში, 569 ადამიანი მოთავსებულია კლინიკურ-სასტუმროებში და 7 135 პირი ვირუსის მკურნალობის კურსს გადის საცხოვრებელ ბინაზე. მთავრობის ადმინისტრაციის ცნობითვე, საკარანტინე სივრცეებში მოთავსებულია 514 ადამიანი და ამ ეტაპისთვის, თვითიზოლაციაში იმყოფება 22 823 ადამიანი.
