ინფექციური საავადმყოფოს სამედიცინო დირექტორის, მარინა ეზუგბაიას თქმით, 8 ახალი შემთხვევიდან ყველას წყარო ცნობილია.
„ახალ შემთხვევებს რაც შეეხება, 1 არის ბოლნისის დადასტურებულ შემთხვევასთან კონტაქტი, 2 – მარნეულის დადასტურებულ შემთხვევასთან კონტაქტი, 2 გახლავთ კიდევ საკარანტინო სივრციდან შემოტანილი, იმპორტირებული, მაგრამ ქვეყანა არ ვიცი. 3 კი გახლავთ სამედიცინო პერსონალი“, – განაცხადა მარინა ეზუგბაიამ.
როგორც პრემიერ-მინისტრმა, გიორგი გახარიამ დღეს სხდომაზე თქვა, 3 სამედიცინო პერსონალი ბოჭორიშვილის კლინიკიდანაა.
ბოლოს 24 საათში კორონავირუსით ინფიცირების 8 ახალი შემთხვევა დადასტურდა. გამოჯანმრთელდა კიდევ 3 ადამიანი.
