გერმანიის კანცლერი ოლაფ შოლცი საქართველოს პრემიერ-მინისტრ ირაკლი ღარიბაშვილს შეხვდება. ინფორმაციას კანცლერის პრესსამსახური ავრცელებს.
ოლაფ შოლცსა და ირაკლი ღარიბაშვილს შორის შეხვედრა 9 ივნისს ბერლინში, გერმანიის ფედერალურ კანცელარიაშია დაგეგმილი.
„დისკუსიაზე ყურადღება გამახვილდება საგარეო, უსაფრთხოებისა და ევროპული პოლიტიკის მიმდინარე გამოწვევებზე, ასევე – ეკონომიკური პოლიტიკის თანამშრომლობის საკითხებზე“, – აცხადებს შოლცის პრესსამსახური.
გერმანიის კანცლერის პრესამსახურის განცხადებით, შეხვედრის შემდეგ პრესკონფერენცია არ იგეგმება.
