დღეს პარტია „ხალხისთვის“ ლიდერმა, ანა დოლიძემ საქართველოს პარლამენტთან აქცია გამართა და მოითხოვა მორატორიუმის გამოცხადება რუსეთის მოქალაქეებისთვის უძრავი ქონების შეძენასთან დაკავშირებით.
„გაიღვიძეთ! ვითხოვთ მორატორიუმის გამოცხადებას რუსეთის მოქალაქეებისთვის უძრავი ქონების შეძენასთან დაკავშირებით“, – წერს ანა დოლიძე.
მისივე ინფორმაციით, 2022 წლის 10 იანვრიდან 18 ივლისის ჩათვლით, 3389 რუსეთის ფედერაციის მოქალაქის საკუთრების უფლება − 3040 უძრავ ნივთზე დარეგისტრირდა.
