„ფორმულას“ გადამღებ ჯგუფზე თავდამსხმელი, დავით ველიჯანაშვილი თბილისის საქალაქო სასამართლომ დამნაშავედ ცნო და ერთი წლით თავისუფლების აღკვეთა მიუსაჯა.
„ფორმულას“ ცნობით, სასამართლომ ველიჯანაშვილი ჟურნალისტური საქმიანობის ხელის შეშლისა და დევნის ნაწილში გაამტყუნა, ხოლო 118-ე მუხლი, ჯანმრთელობის ნაკლებად მძიმე დაზიანება, გადაკვალიფიცირდა 122-ე მუხლად, რაც ფარგლებს გადაცილებით ჯანმრთელობის დაზიანებას გულისხმობს.
ველიჯანაშვილი 18 მარტს დააკავეს.
2022 წლის 17 მარტს თბილისში, ვაკეში, ირაკლი აბაშიძის ქუჩაზე ერთ-ერთ კაფეში ინტერვიუს ჩაწერისას, „ფორმულას” გადამღებ ჯგუფს თავს დაესხნენ.
ტელევიზიის განცხადებით, „ფორმულას” რეპორტიორი, ნანო ჩაკვეტაძე ყვება, რომ ისინი კაფესთან შეთანხმებულად წერდნენ რესპონდენტს, რა დროსაც ერთ-ერთმა იქ მყოფმა სტუმარმა „ფორმულას” თანამშრომლის მიმართ აგრესია გამოხატა.
„სტუმრის აგრესია იმ ფაქტის გაგებას მოჰყვა, რომ ჟურნალისტი „ფორმულაში” მუშაობდა. ნაცემია „ფორმულას” 2 ოპერატორი, ფიზიკური დაზიანებები აქვს ნანო ჩაკვეტაძესაც“, – აცხადებს ტელეკომპანია.
