ბოლო ცნობებით, ადგილობრივ მედიაზე დაყრდნობით, 600-ზე მეტი დაღუპულის შესახებ იწუყებიან, ჰამასი კი აცხადებს, რომ ღაზის სექტორში 370 პალესტინელია დაღუპული.
ისრაელის მთავრობის პრესსამსახური 2000-ზე მეტი დაშავებულის შესახებ ავრცელებს ინფორმაციას.
ღაზის ჯანდაცვის სამინისტროს ცნობით კი, დაშავებულთა რაოდენობა 2200-მდე აღწევს.
CNN-ის ცნობით, ისრაელის მთავრობამ 7 ოქტომბერს დაწყებული იერიშის საპასუხოდ დღეს, 8 ოქტომბერს, უკვე ოფიციალურად გამოუცხადა ომი ჰამასს.
ომი ისრაელის ძირითადი კანონის მე-40 მუხლის საფუძველზე გამოცხადდა.
ისრაელს არ აქვს დაწერილი კონსტიტუცია, მაგრამ მისი 13 ძირითადი კანონი მსგავს ფუნქციას ასრულებს.
ისრაელის პრემიერმა ბენიამინ ნეთანიაჰუმ განაცხადა, რომ ისრაელი შურს იძიებს თავდასხმისთვის.
