ევროკომისიამ დღეს, 8 ნოემბერს გასცა რეკომენდაცია, საქართველოს ევროკავშირის წევრობის კანდიდატის სტატუსი მიენიჭოს. ამასთან, გასცა 9 პირობა, რომლებიც ქვეყანამ უნდა შეასრულოს, რათა წევრობაზე მოლაპარაკებები დაიწყოს.
დოკუმენტში წერია, რომ „2022 წლის ივნისში მიღწეული შედეგების საფუძველზე, 12 რეკომენდაციის ჩარჩოს ფარგლებში და მის მიღმა, კომისია რეკომენდაციას გასცემს, საქართველოს მიენიჭოს კანდიდატის სტატუსი იმ დათქმით, რომ ქვეყანა გადადგამს შემდეგ ნაბიჯებს:
- შეებრძოლოს დეზინფორმაციას და უცხოური ინფორმაციის მანიპულაციასა და ჩარევას ევროკავშირისა და მისი ღირებულებების წინააღმდეგ.
- გააუმჯობესოს საქართველოს შესაბამისობა ევროკავშირის საერთო საგარეო და უსაფრთხოების პოლიტიკასთან.
- იმუშაოს პოლიტიკური პოლარიზაციის დაძლევაზე, მათ შორის, პარლამენტში ოპოზიციურ პარტიებთან უფრო მეტად ინკლუზიური საკანონმდებლო მუშაობის გზით, განსაკუთრებით საქართველოს ევროინტეგრაციასთან დაკავშირებულ კანონმდებლობაზე.
- უზრუნველყოს თავისუფალი, სამართლიანი და კონკურენტული საარჩევნო პროცესი, განსაკუთრებით 2024 წლისთვის და სრულად შეასრულოს ეუთო/ოდირის რეკომენდაციები. დაასრულოს საარჩევნო რეფორმა, მათ შორის, ამომრჩეველთა ადეკვატური წარმომადგენლობის უზრუნველყოფა არჩევნების დღემდე ბევრად ადრე.
- დაასრულოს და განახორციელოს ჰოლისტიკური და ეფექტური სასამართლო რეფორმა, იუსტიციის უმაღლესი საბჭოსა და პროკურატურის ჩათვლით, სრულად გაითვალისწინოს ვენეციის კომისიის რეკომენდაციები და ეს გააკეთოს გამჭვირვალე და ინკლუზიური პროცესით.
- უზრუნველჰყოს ანტი-კორუფციული ბიუროს, სპეციალური საგამოძიებო სერვისის და მონაცემთა დაცვის სამსახურის ინსტიტუციური დამოუკიდებლობა. გაითვალისწინოს ვენეციის კომისიის რეკომენდაციები ამ უწყებებთან დაკავშირებით. შექმნან ძლიერი გამოცდილება კორუფციული საქმეებისა და ორგანიზებული დანაშაულის გამოძიებაში.
- გააუმჯობესოს მოქმედი სამოქმედო გეგმა, რათა განახორციელოთ მულტი-სექტორური, სისტემური მიდგომა დეოლიგარქიზაციის წინააღმდეგ, გაითვალისწინეთ ვენეციის კომისიის რეკომენდაციები და ეს გააკეთეთ გამჭვირვალე და ინკლუზიური პროცესით, ოპოზიციური პარტიებისა და სამოქალაქო საზოგადოების ჩართულობით.
- გააუმჯობესოს ადამიანის უფლებათა დაცვა, მათ შორის, ადამიანის უფლებათა ამბიციური სტრატეგიის შექმნით და უზრუნველყავით შეკრებისა და გამოხატვის თავისუფლება.
- დაიწყოს მოწყვლადი ჯგუფების, მედიაპროფესიონალებისა და სამოქალაქო აქტივისტების მიმართ მუქარის ფაქტებზე მიუკერძოებელი, ეფექტური და დროული გამოძიების და ძალადობის ორგანიზატორებისა და დამნაშავეების პასუხისგებაში მიცემა. გამართოს კონსულტაციები სამოქალაქო საზოგადოებასთან, უზრუნველყოს მათი ჩართულობა კანონშემოქმედებით და პოლიტიკის შემუშავების პროცესში, ასევე, უზრუნველყოს მათი თავისუფლად მუშაობა.
