ეროვნულ-დემოკრატიული ინსტიტუტის (NDI) კვლევის თანახმად, მოსახლეობის აზრით, რუსული სამხედრო აგრესია და პროპაგანდა ყველაზე დიდ საფრთხეს წარმოადგენს.
შეკითხვაზე, რა წარმოადგენს საქართველოს ეროვნული უსაფრთხოებისთვის ყველაზე დიდ საფრთხეს, შედეგები ასე გადანაწილდა:
2023 წლის ოქტომბერი:
- რუსული სამხედრო აგრესია – 27%
- აფხაზეთისა და სამხრეთ ოსეთის ოკუპაცია – 13%
- რუსული პროპაგანდა – 11%’
- ტერორიზმი -5%
- საქართველოში არალეგალური მიგრანტების ჩამოსვლა – 4%
- ეკონომიკური დამოკიდებულება რუსეთზე – 3%
- სხვა -18%
- არცერთი – 2%
- არ ვიცი- 16%
- უარი პასუხზე – 1%.
ასევე, NDI-ის კვლევით, ყოველი მეორე მოქალაქე ამბობს, რომ ქვეყანას უსაფრთხოების გაძლიერებაში ყველაზე მეტად ნატოსა (20%) და ევროკავშირში (29%) გაწევრიანება დაეხმარება.
გარდა ამისა, გამოკითხულთა უმრავლესობა მიიჩნევს, რომ ევროკავშირი (60%) და აშშ (38%) საქართველოს მთავარი პოლიტიკური პარტნიორები უნდა იყვნენ. გამოკითხულთა 20% ფიქრობს, რომ მთავარი პოლიტიკური პარტნიორი საქართველოსთვის – რუსეთი უნდა იყოს.
ევროკავშირთან პარტნიორობას ყველაზე მაღალი მხარდაჭერა თბილისში აქვს, ხოლო ყველაზე დაბალი ეთნიკური უმცირესობების დასახლებებში.
NDI-ის კვლევების საველე სამუშაოები 2023 წლის 12 ოქტომბრიდან 4 ნოემბრის ჩათვლით ჩატარდა პირისპირი ინტერვიუს მეთოდით. შედგა 2,068 დასრულებული ინტერვიუ (28% გამოპასუხება).საშუალო ცდომილების ზღვარი +/- 2,2%-ია. ცდომილების ზღვარი იცვლება სხვადასხვა პასუხის მიხედვით;
წარმომადგენლობითი შერჩევა მოხდა ქვეყნის მასშტაბით (ოკუპირებული ტერიტორიების გარდა). ამასთან, დამატებით წარმომადგენლობა შეირჩა თბილისში, დიდ ურბანულ დასახლებებში, პატარა ურბანულ დასახლებებში, სოფლის ტიპის დასახლებებში, ეროვნული უმცირესობებით მჭიდროდ დასახლებულ რეგიონებში.
