საქართველოს პრეზიდენტი, სალომე ზურაბიშვილი პარლამენტის ტრიბუნიდან „ოცნების“ საპატიო თავმჯდომარეს, ბიძინა ივანიშვილს მიმართავს.
პრეზიდენტის თქმით, საზოგადოებას აქვს სრული უფლება, იცოდეს, რას ნიშნავს ბიძინა ივანიშვილის დაბრუნებისას წარმოთქმული სიტყვები კორუფციასა და ქვეყნის საგარეო კურსზე.
„მივმართავ ბიძინა ივანიშვილს, საზოგადოებას აქვს სრული უფლება, თქვენგან მოისმინოს – რას ნიშნავს თქვენი დაბრუნებისას წარმოთქმული სიტყვები კორუფციაზე, ქვეყნის საგარეო კურსზე? საზოგადოებამ არ იცის, ვინ რატომ გაუშვით ან ვინ რატომ მოგყავთ – ქვეყნის წინაშე არსებული დანაშაულისა, თუ განსხვავებული აზრების გამო უშვებთ, თუ კიდევ სხვა, მიზეზების გამო, რაც არ ვიცით?
რადგან საზოგადოება მმართველობის ახალ, ევროპულ მოდელს ელოდება, ისიც უნდა იცოდეს და უნდა უთხრათ, თუ როგორ აპირებთ ერთპარტიული, ერთპიროვნული და ვერტიკალური მოდელიდან დემოკრატიულ, ევროპულ მოდელზე გადასვლას და როდის;
საზოგადოება თქვენგან პასუხს ელოდება – როდის ჩამოაშორებთ სასამართლოს მურუსიძე ჩინჩალაძეს, მაშინ, როცა, ერთი მხრივ, ებრძვით ან ასე ამბობთ „ნაციონალურ მოძრაობას“ და მეორე მხრივ კი, მის გადმონაშთებს არაფერი ემუქრებათ”, – განაცხადა ზურაბიშვილმა.
საგაზაფხულო სესიის პირველ პლენარულ სხდომაზე პარლამენტი საქართველოს პრეზიდენტს უსმენს.
