ევროკავშირის საგარეო მოქმედების სერვისმა (EEAS) განიხილა იმ პროექტების ნაწილი, რომლითაც საქართველოს უსაფრთხოებას უზრუნველყოფს.
EEAS-ის ცნობით, ევროკავშირის მონიტორინგის მისია (EUMM) საქართველოში 2008 წლიდან მოქმედებს.
მონიტორინგის მისიის ფარგლებში საქართველოში 2008-2024 წლებში 345 მილიონ ევროზე მეტი დაიხარჯა, ხოლო 2023-2024 წლის ბიუჯეტი 47 მილიონ ევროზე მეტია.
მონიტორინგის მისიის მიზანია:
- ხანგრძლივი სტაბილურობის შენარჩუნება და საომარი მოქმედებების თავიდან აცილება;
- ხელი შეუწყოს უსაფრთხო, ნორმალურ ცხოვრებას აფხაზეთთან და სამხრეთ ოსეთთან ადმინისტრაციული საზღვრის გასწვრივ მცხოვრები თემებისთვის;
- კონფლიქტის მხარეებს შორის ნდობის ჩამოყალიბება.
საქართველოს თავდაცვის ძალების გაძლიერების ფარგლებში 2021-2023 წლებში საქართველოზე 62 მილიონი ევრო დაიხარჯა, თუმცა აღნიშნული 2024 წლისთვის შეჩერებულია.
საქართველოს თავდაცვის ძალების გაძლიერების პროექტის ფარგლებში ევროკავშირისგან საქართველოს გადაეცა:
- ორი სრულად ეკიპირებული გადასატანი სამედიცინო დაწესებულება;
- სამედიცინო აღჭურვილობა გორის სამხედრო ჰოსპიტალში;
- 42 სატვირთო მანქანა;
- 96 ინდივიდუალური და 17 ჯგუფური ტიპის საინჟინრო ნაკრები;
- კიბერუსაფრთხოების ტრენინგები და ვარჯიშები.
„ევროკავშირის ერთგულება, დადგეს ქართველი ხალხის გვერდით და გააძლიეროს საქართველოს უსაფრთხოება უცვლელი რჩება. ჩვენ ვაგრძელებთ საქართველოს სუვერენიტეტისა და ტერიტორიული მთლიანობის მხარდაჭერას“, – ნათქვამია EEAS-ის განცხადებაში.
The EU’s commitment to stand by the ?? Georgian people and to strengthen Georgia’s security remains unfaltered.
We will continue to support Georgia’s sovereignty and territorial integrity.
— European External Action Service – EEAS ?? (@eu_eeas) July 12, 2024
