დღეს, 30 ოქტომბერს, თვითმმართველობის არჩევნების შემდეგ ახლადარჩეულ საკრებულოებში პირველი სხდომები ჩატარდა.
თბილისის საკრებულოს სხდომაზე აირჩიეს საკრებულოს თავმჯდომარე – ზურაბ აბაშიძე, მისი მოადგილეები – ბექა დავითულიანი, თინათინ ნიბლოშვილი, ლევან ჯაფარიძე.
თბილისის საკრებულო 50 წევრისგან შედგება. 45 წევრი „ქართული ოცნებიდანაა“, 5 კი – ოპოზიციიდან:
„ძლიერ საქართველოს“ ორი დეპუტატი ჰყავს, „კონსერვატორებს“ – 1, „გირჩს“ – 2.
აირჩიეს კომისიების თავმჯდომარეები და დაკომპლექტდა ფრაქციები.
თბილისის საკრებულოში ორი ფრაქცია შეიქმნა – „ქართული ოცნება“ – თავმჯდომარე ზურაბ ჩიკვილაძე;
და „ხალხის ძალა“ – თავმჯდომარე ზაქარია წიკლაური, მოადგილე ოთარ ჩრდილელი და წევრი – ირაკლი ბენდელიანი.
ხვალ, 31 ოქტომბერს, თბილისის საკრებულო კახა კალაძის მთავრობას დაამტკიცებს.
