ოკუპირებულ აფხაზეთში საქართველოს მოქალაქე გელა მებონია დააკავეს. ინფორმაციას დე ფაქტო გენერალური პროკურატურის პრესსამსახურზე დაყრდნობით აფხაზური სააგენტო ავრცელებს. გამოცემის ცნობით, მებონიას აღკვეთი ღონისძიების სახით 6 ივლისს პატიმრობა შეუფარდეს.
„2026 წლის 3 ივლისს გალის რაიონის პროკურატურამ აღძრა სისხლის სამართლის საქმე საქართველოს მოქალაქე გელა ტურინის ძე მებონიას მიმართ, აფხაზეთის სახელმწიფო საზღვრის საქართველოს მხრიდან უკანონოდ გადაკვეთის ფაქტზე, რომელიც 2026 წლის 2 ივლისს გალის რაიონის სოფელ ბატაიგუარაში მოხდა“ – წერს ოკუპირებული აფხაზეთის გამოცემა Апсадгьыл-инфо.
