კორონავირუსით ინფიცირების 3 ახალი შემთხვევა გამოვლინდა და 4 გამოჯანმრთელდა

საქართველოში კორონავირუსით ინფიცირების 3 ახალი შემთხვევა დადასტურდა, 4 კი გამოჯანმრთელდა. ინფორმაცია დღეს ოფიციალურ ვებგვერდზე stopcov.ge განახლდა.

ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის სამი ახალი შემთხვევიდან, სამივე შემოტანილია. მისი თქმით, პაციენტები სატვირთო ავტომობილის მძღოლები არიან.

განახლებული მონაცემები ასეთია:

• კორონავირუსის დადასტურებული შემთხვევა – 946;
• მათ შორის გამოჯანმრთელებული – 825;
• მათ შორის გარდაცვლილი – 15;
• კარანტინის რეჟიმში – 3310;
• სტაციონარში მეთვალყურეობის ქვეშ – 203;
• უცხოეთიდან სამკურნალოდ გადმოყვანილი საქართველოს მოქალაქეები – 3;