ინფექციური საავადმყოფოს სამედიცინო დირექტორის, მარინა ეზუგბაიას განცხადებით, 23 ახალი დადასტურებული შემთხვევიდან 14 დადასტურებულებთან კონტაქტია.
„14 პაციენტის ინფიცირების წყარო არის კონტაქტი ინფიცირებულ პაციენტებთან. 8 შემთხვევა არის შემოტანილი, აქედან 5 სატვირთოო ავტომობილის მძღოლია. მხოლოდ ერთ შემთხვევაზე გრძელდება ეპიდკვლევა“,- განაცხადა მარინა ეზუგბაიამ.
მისი თქმით, კოვიდცენტრებში 3 კრიტიკული პაციენტია, ხოლო მძიმე პაციენტების რაოდენობა კი – 21-ია.
საქართველოში კორონავირუსის 23 ახალი შემთხვევა გამოვლინდა, გამოჯანმრთელდა 13 პაციენტი. ინფორმაცია მთავრობის სპეციალურ ვებგვერდ stopcov.ge-ზე განახლდა.
1 სექტემბრისთვის განახლებული სტატისტიკური მონაცემები ამგვარია:
- კორონავირუსის დადასტურებული შემთხვევა – 1510
- აქედან გამოჯანმრთელდა – 1253
- გარდაიცვალა – 19
- კარანტინის რეჟიმში – 6059
- სტაციონარში მეთვალყურეობის ქვეშ – 239
- *უცხოეთიდან სამკურნალოდ გადმოყვანილი საქართველოს მოქალაქე – 41
