ეკონომიკისა და მდგარდი განვითარების მინისტრს, ნათია თურნავას კორონავირუსი დაუდასტურდა. ამის შესახებ ინფორმაციას პრესსამსახური ავრცელებს.
„ნათია თურნავა ამჟამად თავს კარგად გრძნობს და მკურნალობას სახლში გააგრძელებს“, – ამბობენ სამინისტროში.
კორონავირუსი დაუდასტურდა გუშინ საქართველოს პრემიერ-მინისტრ გიორგი გახარიას და მთავრობის ადმინისტრაციის ხელმძღვანელს, ნათია მეზვრიშვილს.
დღეს მთავრობის სხდომის დასრულების შემდეგ ვიცე-პრემიერმა, მაია ცქიტიშვილმა განაცხადა, რომ თვითიზოლაციაში იმყოფება განათლების მინისტრი მიხეილ ჩხენკელი. მინისტრის ოჯახის წევრს კორონავირუსი დაუდასტურდა.
დღეს საქართველოში კორონავირუსის 1943 ახალი შემთხვევა დადასტურდა, 20 ადამიანი კი გარდაიცვალა.
