რუსეთის პრეზიდენტმა, ვლადიმერ პუტინმა უკრაინის მოქალაქეებს სიტყვით მიმართა და უკრაინის ტერიტორიაზე სპეცოპერაციის მიმდინარეობაზე ისაუბრა. მან აღნიშნა, რომ რუსული არმია იბრძვის ნაციონალისტური ფორმირებების წინააღმდეგ, რომლებიც არა მხოლოდ უბიძგებენ ჯარისკაცებს შემდგომი ომისკენ, არამედ მოქმედებენ, როგორც რაზმები.
მისივე თქმით, ბანდერელები და ნეონაცისტები გეგმავენ, გამოიწვიონ საპასუხო ცეცხლი დასახლებულ ტერიტორიებზე. „ფაქტობრივად, ისინი იქცევიან, როგორც ტერორისტები მთელ მსოფლიოში. იმალებიან იმ იმედის ქვეშ, რომ რუსეთს დაადანაშაულებენ მშვიდობიანი მოსახლეობის მსხვერპლში“.
„კიდევ ერთხელ მივმართავ უკრაინის შეიარაღებული ძალების სამხედრო პერსონალს. არ მისცეთ უფლება ნეონაცისტებს და ბანდერელებს, გამოიყენონ თქვენი შვილები, ცოლები და მოხუცები ცოცხალ ფარად.
აიღეთ ძალაუფლება ხელში. როგორც ჩანს, ჩვენთვის უფრო ადვილი იქნება თქვენთან მოლაპარაკება, ვიდრე ნარკომანებისა და ნეონაცისტების ამ ბანდასთან, რომლებიც კიევში დასახლდნენ და მთელი უკრაინელი ხალხი მძევლად აიყვანეს“, -განაცხადა პუტინმა.
