ალპინისტი და სამთო გიდი, ნიკო ფალიანი უშბაზე ექსპედიციის დროს დაიღუპა.
ნიკო 29 წლის იყო.
საგანგებო სიტუაციების მართვის სააგენტოს ცნობით, სვანეთში, უშბის მთაზე ქვეითად გადაადგილდებოდა 4 ადამიანი, რომელთაგან ერთ-ერთი სიმაღლიდან გადავარდა.
უწყების ცნობით, მეხანძრე-მაშველებმა 3600 მეტრის სიმაღლეზე სამაშველო ღონისძიების ფარგლებში 3 ადამიანი უვნებლად აიყვანეს ვერტმფრენში. დაღუპულის ცხედარი მესტიაში გადაასვენეს.
