ბადრი ჯაფარიძეს აღკვეთის ღონისძიებად 50 000-ლარიანი გირაო შეეფარდა.
საქმე ეხება „ქართული ოცნების“ პარლამენტში ენმ-ის საქმიანობის შემსწავლელი საგამოძიებო კომისიის მიმართვის საფუძველზე პროკურატურის მიერ დაწყებულ გამოძიებას. ჯაფარიძე სხდომაზე არ მივიდა, რის გამოც მას პროკურატურამ ბრალდება წარუდგინა.
ბადრი ჯაფარიძე მაგისტრატი მოსამართლის წინაშე 3 აპრილს გამოიკითხა. მანამდე ამავე მუხლით ბრალდება წარედგინა „ძლიერი საქართველოს“ კიდევ ერთ ლიდერს, მამუკა ხაზარაძეს, მას აღკვეთის ღონისძიების სახით სასამართლომ 50 000 ლარის ოდენობით გირაო შეუფარდა.
