ამერიკის შეერთებული შტატების პრეზიდენტის, ჯო ბაიდენის განცხადებით, დღეს შეხვდა NATO-ს მოკავშირეების ლიდერებს და მათთან განიხილა კოლექტიური თავდაცვის და ტრანსატლანტიკური უსაფრთხოების დაცვის ერთობლივი ვალდებულება.
თეთრი სახლის მიერ გავრცელებულ განცხადებაში ნათქვამია, რომ იმ ფონზე, როდესაც პუტინი ემუქრება საერთაშორისო მშვიდობისა და უსაფრთხოების საფუძვლებს, NATO კიდევ ერთხელ ადასტურებს, რომ მხარს უჭერს თავისუფლებასა და დემოკრატიას.
ბაიდენის განცხადებით, შეერთებული შტატები დაიცავს NATO-ს ტერიტორიის თითოეულ სანტიმეტრს, რადგან მე-5 მუხლის მიმართ აღებული ვალდებულება ურყევია.
აშშ-ის პრეზიდენტის განცხადებით, გასცა ბრძანება დამატებითი ძალების განლაგების შესახებ, რათა NATO-ს მოკავშირეების მხარდასაჭერად ევროპაში შტატების შესაძლებლობები გაიზარდოს.
ბაიდენი მტკიცედ მიესალმება NATO-ს თავდაცვითი გეგმების გააქტიურების გადაწყვეტილებას.
ბაიდენის ცნობით, ის ასევე ესაუბრა უკრაინის პრეზიდენტ ვოლოდიმერ ზელენსკისაც.
Today, I met with fellow leaders from our NATO Allies and spoke with President Zelenskyy of Ukraine. The United States continues to provide economic, humanitarian, and security support–and we continue to rally other countries to provide similar assistance. https://t.co/sVZuaJiLE5
— President Biden (@POTUS) February 25, 2022
