მოძრაობა „ბალდის კანიონის შესანარჩუნებლად“ სოციალურ ქსელში წერს, რომ სენაკის სასამართლომ ბალდის კანიონის ინვესტორი კომპანიის დირექტორი ძალადობაში სისხლის სამართლის დამნაშავედ ცნო და ჯარიმა დააკისრა.
2023 წლის 10 ოქტომბერს დაცული ტერიტორიების ოფისში ბალდის კანიონის შესახებ შეხვედრაზე დასწრების სურვილი ბალდის მოსახლეობამ გამოთქვა, რასაც დაპირისპირება მოჰყვა.
ამ საქმეზე იყო ბრალდებული „კანიონი 350-ის“ დირექტორი გიორგი მერკვილაძე.
მოძრაობა წერს, რომ მერკვილაძე, სხვა, ჯგუფური ძალადობის საქმეზეცაა ბრალდებული.
„კომპანია „კანიონი 350” დაცული ტერიტორიების სააგენტოს ოფიციალური პარტნიორი კომპანიაა. სწორედ ერთმანეთთან კორუფციული გარიგების გზით გაიყიდა ბალდის კანიონი და მოსახლეობას მდინარეზე ჩასვლა 40 წლით აგვეკრძალა.
დღეს, სოფელ ბალდის მოსახლეობა მე-500 დღეს ატარებს საპროტესტო კარავში მოთხოვნით: გაუქმდეს უკანონოდ გაცემული იჯარის ხელშეკრულება; დაუბრუნდეს ხალხს ის, რაც მისია“, – წერს მოძრაობა.
![მურუსიძე: [სანქცირებას] კორუფციასთან კავშირი არ აქვს, უნდათ სასამართლო სისტემის დამორჩილება](https://publika.ge/app/uploads/2023/04/publika.ge-1-12.jpg)
