საქართველოს რკინიგზის განცხადებით, ბათუმის სადგურის მიმდებარე ტერიტორიაზე მატარებელი მცირეწლოვან ბავშვს დაეჯახა. ის ადგილზე გარდაიცვალა.
„უბედური შემთხვევა მოხდა ბათუმის სადგურის მიმდებარე ტერიტორიაზე. სამგზავრო მატარებელი მცირეწლოვან ბავშვს დაეჯახა. არასრულწლოვანი ადგილზე გარდაიცვალა. მატარებელი ბაქანთან მიდიოდა, რომელსაც ბათუმი-ქუთაისის რეისი უნდა შეესრულებინა. ადგილზე მისულია საპატრულო და კრიმინალური პოლიცია. საქართველოს რკინიგზა მწუხარებას გამოთქვამს ტრაგედიის გამო და სამძიმარს უცხადებს გარდაცვლილის ოჯახის წევრებს“, – წერია საქართველოს რკინიგზის განცხადებაში.
მომხდართან დაკავშირებით დამატებითი დეტალები უცნობია.
