„ამ წუთებში ბათუმში პოლიცია შეიჭრა „სირცხვილიას” შტაბში, სადაც ისევე როგორც პარლამენტის წინ, იმართებოდა „დაუმორჩილებლობა” და დააკავეს რამდენიმე ადამიანი”, – ამის შესახებ ინფორმაციას მოძრაობა „სირცხვილია” ავრცელებს.
როგორც facebook-ჩართვისას ერთ-ერთი მოქალაქე ამბობს, პოლიციელებმა იქ მყოფი ადამიანები გარეთ ძალის გამოყენებით გამოიყვანეს, მიაყენეს სიტყვიერი და ფიზიკური შეურაცხყოფა.
„მოვუწოდებთ პოლიციას სასწრაფოდ დატოვეთ ჩვენი ოფისის ტერიტორია, შეწყვიტეთ ძალადობა და გაათავისუფლეთ დაკავებული აქტივისტები”, – წერს „სირცხვილია”.
„პუბლიკა” დაუკავშირდა შინაგან საქმეთა სამინისტროს დაკავებულების შესახებ ინფორმაციის მისაღებად. პასუხის მიღების შემთხვევაში მასალა განახლდება.
