„ბიძინა ივანიშვილი და სხვები“ — 10 ადამიანს ბალტიისპირეთის ქვეყნებში შესვლა აეკრძალათ

ბალტიისპირეთის ქვეყნებმა ბიძინა ივანიშვილი, ასევე შს მინისტრი ვახტანგ გომელაური, მისი მოადგილეები და განსაკუთრებულ დავალებათა დეპარტამენტის ხელმძღვანელები დაასანქცირა.

გაბრიელიუს ლანდსბერგისის თანახმად, ლიეტუვაში შესვლა აეკრძალათ შემდეგ პირებს:

• ბიძინა ივანიშვილი;
• ვახტანგ გომელაური – შს მინისტრი.
• შალვა ბედოიძე – შს მინისტრის მოადგილე;
• იოსებ ჭელიძე – შს მინისტრის მოადგილე;
• ალექსანდრე დარახველიძე – შს მინისტრის მოადგილე;
• იოსებ ბუთხუზი – შს მინისტრის მოადგილე;
• ზვიად ხარაზიშვილი – განსაკუთრებულ დავალებათა დეპარტამენტის უფროსი;
• მილერი ლაგაზაური – განსაკუთრებულ დავალებათა დეპარტამენტის უფროსის მოადგილე;
• მირზა კეზევაძე – განსაკუთრებულ დავალებათა დეპარტამენტის უფროსის მოადგილე;
• ვაჟა სირაძე – საპატრულო პოლიციის უფროსი;
• თეიმურაზ კუპატაძე – კრიმინალური პოლიციის უფროსი;

გუშინ, 1 დეკემბერს ლიეტუვის, ლატვიის და ესტონეთის საგარეო საქმეთა მინისტრებმა განაცხადეს, რომ მათი ქვეყნები ერთობლივად შეთანხმდნენ, დაუწესონ ეროვნული სანქციები მათ, „ვინც ახშობს ლეგიტიმურ პროტესტს საქართველოში”.