ევროკავშირის უმაღლესი წარმომადგენლის საგარეო და უსაფრთხოების პოლიტიკის საკითხებში, ჯოზეფ ბორელის ტვიტი რუსეთის წინააღმდეგ სანქციებზე აღარ იძებნება.
მან რუსეთის მიმართ ევროკავშირის მიერ დაწესებულ სანქციებზე გამოხმაურებისას ტვიტერზე დაწერა: „არავითარი შოპინგი მილანში, წვეულებები სენ-ტროპეში, ბრილიანტები ანტვერპენში. ეს არის პირველი ნაბიჯი”. სწორედ აღნიშნული პოსტი აღარ იძებნება სოციალურ ქსელში.
რუსეთის მიერ უკრაინის ოკუპირებული ტერიტორიების – დონეცკისა და ლუჰანსკის რეგიონების აღიარების შემდეგ, ევროკავშირმა რუსეთის დუმის წევრებს, 27 ფიზიკურ პირსა და ორგანიზაციებს სანქციები დაუწესა.
Reuters-ის ცნობით, სანქციები, რომლებიც, რუსეთის დუმის წევრებისთვის დაწესდება, როგორც წესი, მოგზაურობის აკრძალვასა და აქტივების გაყინვას გულისხმობს.
