ბორჯომისა და ბაკურიანის ეპისკოპოსი ლაზარე (სამადბეგიშვილი) კორონავირუსით გარდაიცვალა.
როგორც სოციალურ ქსელში საქართველოს საპატრიარქოს საზოგადოებასთან ურთიერთობის სამსახური წერს, ეპისკოპოსს covid-19-თან ერთად სხვა თანმხლები დაავადებებიც ჰქონდა, რამაც გარდაცვალება გამოიწვია.
„გარდაიცვალა ყოვლადუსამღვდელოესი, ბორჯომისა და ბაკურიანის ეპისკოპოსი ლაზარე (სამადბეგიშვილი). მეუფე ლაზარე, სხვა თანმხლებ დაავადებებთან ერთად, კოვიდვირუსის გამოც მკურნალობდა.
გამოვთქვამთ დიდ გულისტკივილსა და მწუხარებას ეპისკოპოს ლაზარეს გარდაცვალების გამო. აღვავლენთ ლოცვებს მისი უკვდავი სულისათვის, რათა უფალმან სავანესა მართალთასა დააწესოს, “- ამბობენ საპატრიარქოში.
