სტატისტიკის ეროვნული სამსახურის მიერ დღეს გამოქვეყნებული მონაცემების მიხედვით, აპრილში წლიურმა ინფლაციამ 12.8% შეადგინა.
საქსტატის მონაცემებით, ყველაზე მეტად, 29.1%-ით, ფასები მომატებულია პირადი სატრანსპორტო საშუალებების ექსპლუატაციაზე.
სტატისტიკის მიხედვით, ფასების ზრდის ტენდენცია აპრილშიც შენარჩუნებულია სურსათსა და უალკოჰოლო სასმელებზე.
ბოსტნეული და ბაღჩეული 46.2 %-ით გაძვირდა, პური და პურპროდუქტები – 28.8%-ით, მინერალური და წყაროს წყალი, უალკოჰოლო სასმელები და ნატურალური წვენები – 24.1%-ით.
საქსტატის მიხედვით, ზეთსა და ცხიმზე ფასები მომატებულია – 20.8%-ით, შაქარი, ჯემი და სხვა ტკბილეული – 19.3%-ითაა გაძვირებული, თევზეული – 18.9%-ით. რძე, ყველი და კვერცხი 18.0%-ით. ყავა, ჩაი და კაკაო კი 17.6%.
მონაცემების მიხედვით, ხილსა და ყურძენზე ფასებმა 14.4%-ით, ხოლო ხორცსა და ხორცის პროდუქტებზე 10.9%-ით მოიმატა.
