დღეს, 15 იანვარს, 15 საათზე გაფიცვა დაიწყება.
ღონისძიებასთან დაკავშირებით ლაშა ბუღაძემ და სხვა ინიციატორებმა პრესკონფერენცია გამართეს და გაფიცვაში მონაწილეობის მსურველებს გააცნეს ინსტრუქცია, რა ფორმით უნდა გამოხატონ პროტესტი:
„მოგიწოდებთ გაფიცულებს, დაკეტეთ კარი და დადექით თქვენი სამუშაო ადგილის წინ. სასურველია, თან იქონიოთ დროშები, ანდა ტრანსპარანტები წარწერებით – „გავიფიცე“ „თავისუფლება სინდისის პატიმრებს“ „ვითხოვთ ახალ არჩევნებს“ და ა.შ. ჩართეთ ლაივი, გადაიღეთ ფოტოები და განათავსეთ სოციალურ მედიაში ჰაშტაგით #იფიცებასაქართველო. თვითდასაქმებულები და ისინი, ვინც ოფისიდან არ ვმუშაობთ, ვიკრიბებით რესპუბლიკის მოედანზე.
გაფიცვის დამთავრების მერე ტრადიციულად ვიკრიბებით რუსთაველის გამზირზე და ვუერთდებით ყოველდღიურ პროტესტს პარლამენტის შენობასთან. ჩვენი მოთხოვნები უცვლელია – გათავისუფლდნენ სინდისის პატიმრები, დაინიშნოს ხელახალი არჩევნები“, – თქვა ლაშა ბუღაძემ.
