ბულგარეთში, სოფიას პარლამენტში მიიღეს რეზოლუცია, რომლითაც საქართველოსთვის კანდიდატის სტატუსის მინიჭებას მხარს დაუჭერენ.
ბულგარეთის ვიცე-პრემიერი და საგარეო საქმეთა მინისტრი საქართველოს საგარეო საქმეთა მინისტრ ილია დარჩიაშვილს შეხვდა და განაცხადა, რომ „ბულგარეთი გააგრძელებს საქართველოს მტკიცე მხარდაჭერას ევროინტეგრაციის გზაზე“.
Glad to welcome in Sofia ??FA Minister @IliaDarch to discuss:
????? excellent relations
?Georgia’s reforms &progress achieved on the ??road
?support for Georgia's sovereignty &territorial integrityBG will continue to strongly support Georgia's path to EU integration pic.twitter.com/CiEEub43l1
— Mariya Gabriel (@GabrielMariya) October 13, 2023
სოფიას პარლამენტში ამბობენ, რომ საქართველო ბულგარეთისთვის სამხრეთ კავკასიაში და შავი ზღვის რეგიონში მნიშვნელოვან პარტნიორს წარმოადგენს. მათი შეფასებით, საქართველო ევროატლანტიკურ სტრუქტურებში მნიშვნელოვანი სარგებლის მომტანი იქნებოდა შავი ზღვის რეგიონის უსაფრთხოების გაზრდისა და სამხრეთ-კავკასიის რეგიონის სტაბილურობისთვის.
სოფიას პარლამენტში მიღებული რეზოლუცია გმობს რუსეთის ფედერაციის მიერ საქართველოს სუვერენული ტერიტორიების, აფხაზეთისა და სამხრეთ ოსეთის უკანონო ოკუპაციას.
ბულგარეთის პარლამენტში აღნიშნეს, რომ საქართველოს ევროპულ და ევროატლანტიკურ სტრუქტურებში გაერთიანება განსაკუთრებით მნიშვნელოვანია რუსეთის ფედერაციის მიერ უკრაინის წინააღმდეგ მიმდინარე ღია სამხედრო აგრესიის ფონზე.
