საფრანგეთის პრეზიდენტი ემანუელ მაკრონი, იტალიის პრემიერ-მინისტრი ჯორჯია მელონი, გერმანიის კანცლერი ფრიდრიხ მერცი, დიდი ბრიტანეთის პრემიერ-მინისტრი კირ სტარმერი, კანადის პრემიერ-მინისტრი მარკ კარნი, დანიის პრემიერ-მინისტრი მეტე ფრედერიკსენი, ნიდერლანდების პრემიერ-მინისტრი რობ იეტენი, ესპანეთის პრემიერ-მინისტრი პედრო სანჩესი და ევროკომისიისა და ევროპული საბჭოს პრეზიდენტები ურსულა ფონ დერ ლაიენი და ანტონიო კოშტა აშშ-ირანს შორის მიღწეული ცეცხლის შეწყვეტის შესახებ ერთობლივ განცხადებას ავრცელებენ.
„მივესალმებით დღეს ამერიკის შეერთებულ შტატებსა და ირანს შორის დადებულ ორკვირიან ზავს.
მადლობას ვუხდით პაკისტანს და ყველა ჩართულ პარტნიორს ამ მნიშვნელოვანი შეთანხმების ხელშეწყობისთვის.
ახლა მიზანი უახლოეს დღეებში ომის სწრაფი და ხანგრძლივი დასრულებისთვის მოლაპარაკებების წარმოება უნდა იყოს. ამის მიღწევა მხოლოდ დიპლომატიური გზებით არის შესაძლებელი.
ჩვენ მტკიცედ მოვუწოდებთ მხარეებს, სწრაფი პროგრესი განიცადონ არსებითი შეთანხმების მისაღწევად.
ეს გადამწყვეტი იქნება ირანის სამოქალაქო მოსახლეობის დასაცავად და რეგიონში უსაფრთხოების უზრუნველსაყოფად. ამას შეუძლია თავიდან აიცილოს მძიმე გლობალური ენერგეტიკული კრიზისი.
ჩვენ მხარს ვუჭერთ ამ დიპლომატიურ ძალისხმევას. ამ მიზნით, მჭიდრო კავშირზე ვართ ამერიკის შეერთებულ შტატებთან და სხვა პარტნიორებთან.
მოვუწოდებთ ყველა მხარეს, აღასრულონ ცეცხლის შეწყვეტის შეთანხმება, მათ შორის ლიბანშიც.
ჩვენი მთავრობები წვლილს შეიტანენ ჰორმუზის სრუტეში ნავიგაციის თავისუფლების უზრუნველყოფაში“, – ნათქვამია განცხადებაში.
