ლოს-ანჯელესმა „ოსკარის“ რიგით 98-ე ცერემონიას უმასპინძლა. კინოაკადემიის დაჯილდოება, ტრადიციულად, დოლბის თეატრში ჩატარდა. საღამოს წამყვანის ამპლუაში წელს ლეგენდარული კონან ო’ბრაიენი მოგვევლინა.
წითელ ხალიჩაზე კინოვარსკვლავების გამორჩეული სამოსის შეფასების შემდეგ ყურადღების ცენტრში მთავარი კითხვა მოექცა: ვინ მიიღო ოქროს ქანდაკება და ვინ გახდა წლის საუკეთესო?
გამარჯვებულები სულ 24 ძირითად კატეგორიაში გამოვლინდნენ. აკადემიამ პირველად დაამატა ახალი კატეგორია — საუკეთესო ქასთინგი.
დაჯილდოების გამოკვეთილი ლიდერი პოლ ტომას ანდერსონის „ბრძოლის შემდეგ ბრძოლა“ გახდა. ფილმმა 13 ნომინაციიდან 6 ოსკარი მიიღო, მათ შორის, ყველაზე მნიშვნელოვან კატეგორიებში: საუკეთესო ფილმი, რეჟისორი და ადაპტირებული სცენარი. წარსულში 11 ნომინაციის შემდეგ ეს იყო ანდერსონის კარიერაში პირველი ოსკარი.
დიდი ღამე ჰქონდა რაიან კუგლერის „ცოდვილებს“ . ფილმმა 4 ოსკარი მოიპოვა, მათ შორის, საუკეთესო მსახიობი მამაკაცი, საუკეთესო ოპერატურა, საუკეთესო მონტაჟი, ორიგინალური სცენარი. ფილმის ოპერატორი ოტომნ დურალდ არკაპაუ პირველი ქალი გახდა, რომელმაც ამ კატეგორიაში ოქროს ქანდაკება მიიღო. ვამპირულმა თრილერმა რეკორდული, 16 ნომინაციით, გადაასწრო ისეთ ფილმებს, როგორიცაა „ყველაფერი ევას შესახებ“, „ტიტანიკი“, „ლა ლა ლენდი“, რომლთაც 14-14 ნომინაცია ჰქონდათ.
ჯესი ბაქლი წლევანდელი დაჯილდოებების სეზონის უპირობო ლიდერი იყო. მან „ჰამნეტში“ შესრულებული როლისთვის ოქროს გლობუსის, BAFTA-ს, Critics Choice-ისა და მსახიობთა გილდიის შემდეგ კარიერაში პირველი ოსკარიც მოიპოვა.
პირველი ნომინაცია და პირველი ოსკარი ხვდა წილად მაიკლ ბ. ჯორდანს ფილმისთვის „ცოდვილნი“. საუკეთესო მსახიობი კაცის კატეგორიაში მის მთავარ კონკურენტად ტიმოთი შალამე მიიჩნეოდა.
კარიერაში მესამე ოსკარი მიიღო შონ პენმა, რომელიც ცერემონიალს არ ესწრებოდა.
„შონ პენმა მოსვლა ვერ მოახერხა, ან არ უნდოდა“, – იხუმრა კირიან კალკინმა, რომელმაც მისი ჯილდო გამოაცხადა.
გამარჯვებულთა სრული სია ასეთია:
საუკეთესო ფილმი (Best Picture)
- ბრძოლა ბრძოლის შემდეგ (რეჟ. პოლ ტომას ანდერსონი) გამარჯვებული
- ცოდვილნი (რეჟ. რაიან კუგლერი)
- ჰამნეტი (რეჟ. ქლოე ჟაო)
- ბუგონია (რეჟ. იორგოს ლანთიმოსი)
- F1 (რეჟ. ჯოზეფ კოსინსკი)
- ფრანკენშტეინი (რეჟ. გილიერმო დელ ტორო)
- ჰამნეტი (რეჟ. ქლოე ჟაო)
- მარტი დიდებული (რეჟ. ჯოშ საფდი)
- საიდუმლო აგენტი (რეჟ. ქლებერ მენდონსა ფილიო)
- სენტიმენტალური ღირებულება (რეჟ. იოაკიმ ტრიერი)
- მატარებლის ოცნებები (რეჟ. კლინტ ბენტლი)
საუკეთესო რეჟისორი
- პოლ თომას ანდერსონი (ბრძოლის შემდეგ ბრძოლა) გამარჯვებული
- რაიან კუგლერი (ცოდვილნი)
- ქლოე ჟაო (ჰამნეტი)
- ჯოშ საფდი (მარტი დიდებული)
- იოაკიმ ტრიერი (სენტიმენტალური ღირებულება)
საუკეთესო მსახიობი ქალი მთავარ როლში
- ჯესი ბაქლი (ჰამნეტი) გამარჯვებული
- რენატე რეინსვე (სენტიმენტალური ღირებულება)
- როუზ ბირნი (If I Had Legs I’d Kick You)
- ქეით ჰადსონი (Song Sung Blue)
- ემა სტოუნი (ბუგონია)
საუკეთესო მსახიობი კაცი მთავარ როლში
- მაიკლ ბ. ჯორდანი (ცოდვილნი) გამარჯვებული
- ტიმოთი შალამე (მარტი დიდებული)
- ლეონარდო დიკაპრიო (რძოლის შემდეგ ბრძოლა )
- ითან ჰოუკი (ლურჯი მთვარე)
- ვაგნერ მორა (საიდუმლო აგენტი)
საუკეთესო მსახიობი ქალი მეორეხარისხოვან როლში
- ემი მედიგანი (იარაღები) გამარჯვებული
- ელ ფენინგი (სენტიმენტალური ღირებულება)
- ინგა იბსდოტერ ლილეასი (სენტიმენტალური ღირებულება)
- ვუნმი მოსაკუ (ცოდვილნი)
- ტიანა ტეილორი (ბრძოლის შემდეგ ბრძოლა)
საუკეთესო მსახიობი კაცი მეორეხარისხოვან როლში
- შონ პენი (ბრძოლის შემდეგ ბრძოლა) გამარჯვებული
- ბენისიო დელ ტორო (ბრძოლის შემდეგ ბრძოლა)
- ჯეიკობ ელორდი (ფრანკენშტეინი)
- დელროი ლინდო (ცოდვილნი)
- სტელან სკარსგარდი (სენტიმენტალური ღირებულება)
საერთაშორისო სრულმეტრაჟიანი მხატვრული ფილმი
- სენტიმენტალური ღირებულება (ნორვეგია) გამარჯვებული
- საიდუმლო აგენტი (ბრაზილია)
- ეს უბრალოდ შემთხვევითობა იყო (საფრანგეთი)
- სირატი (ესპანეთი)
- ჰინდ რაჯაბის ხმა (ტუნისი)
საუკეთესო ორიგინალური სცენარი
- ცოდვილნი (რაიან კლუგერი) გამარჯვებული
- ლურჯი მთვარე (რობერტ კაპლოუ)
- ეს უბრალოდ შემთხვევითობა იყო (ჯაფარ პანაჰი)
- მარტი დიდებული (რონალდ ბრონსტეინი & ჯოშ საფდი)
- სენტიმენტალური ღირებულება (ესკილ ვოგტი, იოაკიმ ტრიერი)
საუკეთესო ადაპტირებული სცენარი
- ბრძოლის შემდეგ ბრძოლა (სცენარი: პოლ ტომას ანდერსონი) გამარჯვებული
- ბუგონია (სცენარი: უილ ტრასი)
- ფრანკენშტეინი (სცენარი: გილიერმო დელ ტორო)
- ჰამნეტი (სცენარი: ქლოე ჟაო & მეგი ო’ფარელი)
- მატარებლის ოცნებები (სცენარი: კლინტ ბენტლი & გრეგ კვედარი)
საუკეთესო მოკლემეტრაჟიანი მხატვრული ფილმი
- მომღერლები – გამარჯვებული
- TWO PEOPLE EXCHANGING SALIVA – გამარჯვებული
- BUTCHER’S STAIN
- A FRIEND OF DOROTHY
- JANE AUSTEN’S PERIOD DRAMA
ანიმაციური სრულმეტრაჟიანი ფილმი
- Kpop Demon Hunters – გამარჯვებული
- არკო
- ელიო
- პატარა ამელი ან წვიმის პერსონაჟი
- ზოოტოპია 2
ანიმაციური მოკლემეტრაჟიანი ფილმი
- გოგონა, რომელიც მარგალიტებით ტიროდა – გამარჯვებული
- პეპელა
- მუდამ მწვანე
- სამი და
- საპენსიო გეგმა
დოკუმენტური სრულმეტრაჟიანი ფილმი
- მისტერ არავინ პუტინის წინააღმდეგ – გამარჯვებული
- ალაბამას გამოსავალი
- მნახე კარგ შუქზე
- კლდეებში გამოკვეთილი
- იდეალური მეზობელი
დოკუმენტური მოკლემეტრაჟიანი ფილმი
- ყველა ცარიელი ოთახი – გამარჯვებული
- შეიარაღებული მხოლოდ კამერით: ბრენტ რენოს სიცოცხლე და სიკვდილი
- აღარც ბავშვები: „იყვნენ და წავიდნენ“
- ეშმაკი დაკავებულია
- სრული უცხოობა
საუკეთესო ოპერატურა
- ცოდვილნი (ოტომნ დურალდ არკაპაუ) გამარჯვებული
- ფრანკენშტეინი (დენ ლუსტსენი)
- მარტი დიდებული (დარიუს ხონჯი)
- ბრძოლის შემდეგ ბრძოლა (მაიკლ ბაუმანი)
- მატარებლის ოცნებები (ადოლფო ველოსო)
კოსტუმების დიზაინი
- ფრანკენშტეინი (კეიტ ჰოული) გამარჯვებული
- ავატარი – ცეცხლი და ფერფლი (დებორა ლ. სკოტი)
- ჰამნეტი (მალგოჟია ტურზანსკა)
- მარტი დიდებული (მიიაკო ბელიცი)
- ცოდვილნი (რუთ ე. კარტერი)
მონტაჟი
- ბრძოლის შემდეგ ბრძოლა (ენდი იურგენსენი) – გამარჯვებული
- F1 (სტივენ მირიონი)
- მარტი დიდებული (რონალდ ბრონსტეინი და ჯოშ საფდი)
- სენტიმენტალური ღირებულება (Olivier Bugge Coutté)
- ცოდვილნი (მაიკლ პ. შაუვერი)
გრიმი და თმის ვარცხნილობა
- ფრანკენშტეინი — მაიკ ჰილი, ჯორდან სემუელი და კლიონა ფიური – გამარჯვებული
- კოკუჰო (Kokuho) — კიოკო ტოიოკავა, ნაომი ჰიბინო და ტადაში ნიშიმატსუ
- ცოდვილნი — კენ დიასი, მაიკ ფონტენი და შუნიკა ტერი
- გამანადგურებელი მანქანა — კაზუ ჰირო, გლენ გრიფინი და ბიორნ რებეინი
- უშნო ნახევარდა – თომას ფოლდბერგი და ანე კატრინ საუერბერგი
საუკეთესო მუსიკა
- ცოდვილნი – ლუდვიგ გორანსონი – გამარჯვებული
- ბუგონია – ჯერსკინ ფენდრიქი
- ფრანკენშტეინი – ალექსანდრე დესპლატი
- ბრძოლის შემდეგ ბრძოლა – ჯონი გრინვუდი
საუკეთესო ორიგინალური სიმღერა
- GOLDEN – by EJAE, Mark Sonnenblick, Joong Gyu Kwak, Yu Han Lee, Hee Dong Nam, Jeong Hoon Seo and Teddy Park – გამარჯვებული
- DEAR ME – Diane Warren
- I Lied To You – Raphael Saadiq and Ludwig Goransson
- Sweet Dreams Of Joy – Nicholas Pike
- Train Dreams – Nick Cave and Bryce Dessner
საუკეთესო მხატვრული გაფორმება
- ფრანკენშტეინი – გამარჯვებული
- ჰამნეტი
- მარტი დიდებული
- ბრძოლის შემდეგ ბრძოლა
- ცოდვილნი
საუკეთესო ხმა
- F1 – გამარჯვებული
- ფრანკენშტეინი
- ბრძოლის შემდეგ ბრძოლა
- ცოდვილნი
- სირატი
ვიზუალური ეფექტები
- ავატარი – ცეცხლი და ფერფლი – გამარჯვებული
- F1
- იურული სამყარო – აღორძინება
- დაკარგული ავტობუსი
- ცოდვილნი
საუკეთესო ქასტინგი
- ბრძოლის შემდეგ ბრძოლა – კასანდრა კულუკუნდისი – გამარჯვებული
- ჰამნეტი – ნინა გოლდი
- მარტი დიდებული – ჯენიფერ ვენდიტი
- საიდუმლო აგენტი – გაბრიელ დომინგესი
- ცოდვილნი – ფრანსინ მაისლერი
