შინაგან საქმეთა სამინისტროს განცხადებით, ქვემო ქართლის პოლიციის თანამშრომლებმა, დიდი ოდენობით თანხის
მითვისების ბრალდებით, 1976 წელს დაბადებული შ.ფ. სარფში დააკავეს.
გამოძიების თანახმად, 1981 წელს დაბადებულმა ნ.გ.-მ, აზერბაიჯანში
მცხოვრები მეგობრისთვის გადასაცემად, ბრალდებულს 10 000 აშშ დოლარი გაატანა – “რაც შ.ფ.-მ უკანონოდ მიითვისა”.
გამოძიება სისხლის სამართლის კოდექსის 182-ე მუხლის მე-3 ნაწილის “ბ”
ქვეპუნქტით მიმდინარეობს, რაც 11 წლამდე ვადით თავისუფლების აღკვეთას ითვალისწინებს.
