პირველი საუნივერსიტეტო კლინიკის ხელმძღვანელი, ლევან რატიანი ამბობს, რომ მსახიობ კახი კავსაძის მდგომარეობა ისევ მძიმეა. ამის შესახებ მან ტელეკომპანია „რუსთავი 2-თან“ ისაუბრა.
„ამ წუთში, ბატონი კახის მდგომარეობას რაც შეეხება, დინამიკა, ჩვენდა სამწუხაროდ, უარყოფითია, იმისდა მიუხედავად, რომ მკურნალობა მიდიოდა ყველაფრის მოცვით. მისი მდგომარეობა ამ ეტაპზე კვლავ მძიმეა“, – ამბობს ის.
მსახიობი კახი კავსაძე დეკემბერში კორონავირუსით დაინფიცირდა, მაგრამ გამოჯანმრთელდა და კლინიკიდან გაეწერა.
