გარდაბნის მუნიციპალიტეტში ბიზნესმენს ავტომობილი აუფეთქეს. ინფორმაცია და კადრები „ტვ პირველმა“ გაავრცელა. ადგილობრივები ამბობენ, რომ ერთ-ერთი პირის სახელით, მათ ფულის გადახდას სთხოვენ.
„კაი ბიჭები ვართო, ფული გადამიხადეთ, რაში უნდა გადავუხადო?! აი მანქანა დაწვეს ახლა, არავინ ყურადღებას არ აქცევს. […] სამი თვეა [ჩემ შვილს] აშინებდნენ, გუშინაც მანქანა დაწვეს, ღამე 4 საათზე. კამერა გახსნილია, დაწვეს მანქანა და გაიქცნენ, ორი კაცი იყო“, – ამბობს ადგილობრივი, დაზარალებულის მამა „ტვ პირველთან“.
„პუბლიკას“ შინაგან საქმეთა სამინისტროში უთხრეს, რომ მომხდარზე გამოძიება სისხლის სამართლის კოდექსის 187-ე და 181-ე მუხლით მიმდინარეობს, რაც გამოძალვასა და ნივთის დაზიანებას ან განადგურებას გულისხმობს.
