პარტია „გირჩი – მეტი თავისუფლების“ ლიდერებმა და წევრებმა სახელმწიფო უსაფრთხოების სამსახურთან (სუს) აქცია-პერფორმანსი გამართეს. მათ, უწყების შენობასთან „შკოდის“ ავტომობილი მიიყვანეს და დემონსტრაციულად, უროებით დალეწეს.
აქციაზე ოპოზიციის საერთო კანდიდატები – ბორის ყურუა და ნიკა მოსიაშვილი დააკავეს. ამის შესახებ „პუბლიკას“ პარტიის პრესსამსახურში დაუდასტურეს და უთხრეს, რომ, მათი ინფორმაციით, პოლიციამ მოსიაშვილი სიტყვიერი შეურაცხჰყოფის ნიადაგზე დააკავა.
შინაგან საქმეთა სამინისტროში ამბობენ, რომ ინფორმაციას არკვევენ – პასუხს მიღებისთანავე შემოგთავაზებთ.
