18 თებერვალს, უწყვეტი პროტესტის 83-ე დღეს, „ტვ პირველის“ ოპერატორის გარდა, სამართალდამცველებმა კიდევ ერთი მოქალაქე, სერგო მარიამიძე დააკავეს. შინაგან საქმეთა სამინისტროში „პუბლიკას“ უთხრეს, რომ ის დაკავებულია ადმინისტრაციული წესით, 173-ე (სამართალდამცავის კანონიერი მოთხოვნისადმი დაუმორჩილებლობა) და 174-ე პირმა (შეკრების ან მანიფესტაციის ორგანიზებისა და ჩატარების წესის დარღვევა) მუხლების შესაბამისად.
ჯგუფ „დაიტოვეში“ ზვიად მარიამიძე წერს:
„აქციიდან ვბრუნდებოდით მე და ჩემი მეგობარი, ათონელზე გაგვაჩერა პოლიციამ, 20-წუთიანი იდენტიფიცირების შემდეგ, მე გამომიშვეს და სერგო მარიამიძე წაიყვანეს. ზაჰესში გადაუყვანიათ და ადმინისტრაციულ სამართალდარღვევას ედავებიან, ხელი გადახვია ფეიერვერკის მსროლელ ნიღბიან ბიჭს (რომელსაც არ იცნობდა) ესაა მიზეზი“.
ღამით „ტვ პირველის“ ოპერატორი ლაშა ჯიოშვილი სამოქალაქო ტანსაცმლიანმა, ნიღბიანმა ადამიანებმა ავტომანქანაში ძალის გამოყენებით ჩასვეს და გაიტაცეს. ადვოკატის ინფორმაციით, ჯიოშვილი ადმინისტრაციული წესით დააკავეს და მას პოლიციელის მოთხოვნისადმი დაუმორჩილებლობას ედავებიან, რაც, მისი შეფასებით, „აბსურდია“.
