„ჰამასმა“ სამი მძევალი გადასცა წითელი ჯვრის საერთაშორისო კომიტეტს (ICRC) ღაზაში. ისინი არიან პირველები, ვინც გათავისუფლდნენ ცეცხლის შეწყვეტის შესახებ შეთანხმების ძალაში შესვლის შემდეგ.
გათავისუფლებულები არიან 31 წლის დორონ სტეინბრეჩერი, ბრიტანეთისა და ისრაელის მოქალაქე 28 წლის ემილი დამარი და 24 წლის რომი გონენი, რომლებიც 2023 წლის 7 ოქტომბრის შემდეგ იყვნენ ტყვეობაში.
წითელმა ჯვარმა ისრაელის მთავრობას აცნობა, რომ სამივე მძევალი კარგ მდგომარეობაშია, პირველადი სამედიცინო შემოწმების შემდეგ. ამის შესახებ CNN-ს ისრაელის ოფიციალურმა პირმა განუცხადა.
ორგანიზაციამ მძევლები ისრაელის სამხედროებს გადასცა, მათ ახლა ღაზიდან ისრაელში გადაიყვანენ.
ისრაელი კვირას 90 დაკავებულს გაათავისუფლებს, პალესტინის პატიმრების საზოგადოების მიერ გამოქვეყნებული სიის მიხედვით. მათ შორის 69 ქალია და ცხრა არასრულწლოვანია, მათგან ყველაზე ახალგაზრდა 15 წლისაა.
კვირას, 19 იანვარს, ძალაში შევიდა ცეცხლის შეწყვეტის შესახებ შეთანხმება, რის შემდეგაც პალესტინელებმა სახლებში დაბრუნება დაიწყეს.
