„მას არ აქვს მოგზაურობის ისტორია, მაგრამ, სანამ ავად გახდებოდა, კონტაქტი ჰქონდა ადამიანთან, ვისაც ჰქონდა მოგზაურობის ისტორია. მოძიებულია იმ ადამიანის ნიმუში, მიმდინარეობს მისი სეკვენირება. ის ადამიანი საქართველოში აღარ არის“, – განაცხადა დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ კორონავირუსის ახალ შტამთან დაკავშირებით.
გუშინ, 4 იანვარს საქართველოში კორონავირუსის ახალი ე.წ. ბრიტანული შტამი დადასტურდა. დაავადებათა კონტროლის ეროვნული ცენტრის ხელმძღვანელის მოადგილის პაატა იმნაძის თქმით, ინფიცირებული 50 წელს გადაცილებული პაციენტია, რომელიც თავს კარგად გრძნობს და იზოლაციაში იმყოფება.
