„იმედის კლინიკის“ ექიმი, მეან-გინეკოლოგი ზაზა იმერლიშვილი კორონავირუსით გარდაიცვალა.
როგორც „პუბლიკას“ კლინიკაში განუცხადეს, მას თანმხლები მძიმე სომატური დაავადებები აღენიშნებოდა.
„მძიმე პაციენტი იყო, დატვირთული ანამნეზი ჰქონდა – შაქრიანი დიაბეტი, ჭარბი წონა, გულსისხლძარღვთა დაავადება და ონკოლოგიური პრობლემები“, – აცხადებენ კლინიკაში.
დღეს ქვეყანაში კორონავირუსით გარდაიცვალა 37 კოვიდპაციენტი.
განახლებული მონაცემები ასეთია:
- კორონავირუსის დადასტურებული შემთხვევა – 123470 , ბოლო 24 საათში – 4780;
- აქედან გამოჯანმრთელდა – 102270 , ბოლო 24 საათში – 3489;
- გარდაიცვალა – 1161 , ბოლო 24 საათში – 37;
- კარანტინის რეჟიმში – 2114;
- სტაციონარში მეთვალყურეობის ქვეშ – 6251;
- კოვიდ სასტუმროში მყოფი პირი – 3863.
