„ეს კანონპროექტი, გამჭვირვალობაზე, ქუთაისში რომ ყოფილიყო მისაღები, მიიღებდნენ მაგას, იმიტომ, რომ იქ არ იყვნენ იმ დაზომბებული სტუდენტების პატრონები და სტუდენტები, რომლებიც აქ გამოვიდნენ. ასეა ეგ“, – ასე მიმართა დეპუტატმა ფრიდონ ინჯიამ პრემიერ-მინისტრ ირაკლი ღარიბაშვილს, რომელსაც დღეს პარლამენტში ინტერპელაციის წესით უსმენენ.
ინჯიამ პრემიერს უთხრა, რომ შსს-ს რეაქცია 7-8 მარტის საპროტესტო აქციებთან მიმართებით საკმარისად მკაცრი არ იყო.
„მართლაც რომ იმსახურებს შსს უმაღლეს შეფასებას, მაგრამ მერე, კანონის უზენაესობიდან გამომდინარე, თქვენ – ნული. რომ შემოვარდნენ, ხომ უნდა დასაჯოთ, ხომ უნდა დაისაჯოს. ეს ნაწილი გამოგრჩათ თქვენ; ამას უყურებს მოსახლეობა. მე რეგიონებში ვიყავი ამ დღეებში – სრული მხარდაჭერა გაქვთ, ახალგაზრდები არიან დაბოღმილები, როგორ გააპარპაშეს [აქციის მონაწილეები]“, – აცხადებს ინჯია.
