არასამთავრობო ორგანიზაცია ISFED-ი წერს, რომ ხელისუფლებამ რუსული კანონის შემობრუნების შემდეგ სოციალურ მედიაში დარეკლამებული კამპანია დაიწყო, რომელიც კოორდინირებულია.
საუბარია, რომ მამუკა მდინარაძის განცხადების შემდეგ, როცა მან რუსული კანონის დაინიცირება დაანონსა, პროსახელისუფლებო მედიასაშუალებების და ანონიმურად მოქმედი გვერდების მხრიდან სოციალურ მედიაში გამოჩნდა დარეკლამებული პოსტები.
ISFED-ი წერს, რომ დარეკლამებული პოსტები გვხვდება საქართველოს მთავრობის გვერდზე, ქართული ოცნების გვერდზე, ირაკლი კობახიძის, შალვა პაპუაშვილის, ტვ იმედის, პოსტ ტვ-ის გვერდებზე, ასევე გვერდზე Newshub.ge-ს, „სინამდვილეში“, „ქართული ოცნება ჩემი არჩევანია“, „Bidzina Ivanishvili for Georgia“, „პოლიტიკური სატირა / Political Satire“, „პოლიტიკური აბსურდი“, „აგენტურა“, „ციტატა“, „PrimeNews.Ge”.
ორგანიზაციის განცხადებით, ფეისბუქის გვერდებსა და ინსტაგრამის ანგარიშებზე კანონპროექტთან დაკავშირებული 120-მდე რეკლამა გამოქვეყნდა. მათ შორის, საინფორმაციო ბარათები („ქარდები”), რომლებშიც „მანიპულაციურადაა ახსნილია, თუ რას გულისხმობს კანონპროექტი და მითითებულია, თუ ვისზე გავრცელდება ის. გავრცელებული გზავნილებით აპელირება ხდება ფინანსური გამჭვირვალობის აუცილებლობაზე და მიჩქმალულია ზოგადი კონტექსტი.
აღნიშნულია, რომ „პროსახელისუფლებო გვერდებზე დარეკლამებული პოსტების უმრავლესობა „ქართული ოცნების“ წევრების განცხადებებია.
მხოლოდ ერთ გვერდზე – „POSTV – ახალი ამბები“ მამუკა მდინარაძის, შალვა პაპუაშვილის, ირაკლი კობახიძისა და საპარლამენტო უმრავლესობის განცხადებებიდან 40-ზე მეტი ციტატაა დარეკლამებული.
განცხადებებში „ქართული ოცნების“ წევრები სამოქალაქო და დონორ ორგანიზაციებს ფინანსების გასაჯაროებაზე უარის თქმაში ადანაშაულებენ.
პროსახელისუფლებო აქტორებისა და ანონიმური გვერდების მიერ დარეკლამებული პოსტების ნაწილი ოპოზიციონერი პოლიტიკოსების, დონორი ორგანიზაციებისა და სამოქალაქო სექტორის მადისკრედიტირებელ გზავნილებს მოიცავს. პოსტების ნაწილი, ამავდროულად, სექსისტური და ჰომოფობიური შინაარსისაა.
ISFED-ის განცხადებით, 4 აპრილს პროსახელისუფლებო მედიებმა დეზინფორმაციული შინაარსის პოსტი გაავრცელეს, რომელშიც საუბარი იყო საქართველოს არასამთავრობო სექტორის სარეიტინგო პოზიციის 50 ადგილით გაურესებაზე.
აღნიშნული პოსტი „POSTV –ახალი ამბების” გვერდმა დაარეკლამა იფაქტ–მეტრის დასკვნით, „V-DEM სამოქალაქო საზოგადოების ინდექსის (corecivilsocietyindex) გაზომვისას აფასებს ხელისუფლების მიერ სამოქალაქო საზოგადოების ფუნქციონირებისთვის შექმნილ გარემოს და არა საქართველოს არასამთავრობო სექტორის სარეიტინგო პოზიციას. შესაბამისად, საქართველოს გაუარესებული ინდექსი არა ქართული საზოგადოებრივი ორგანიზაციების საქმიანობას, არამედ საქართველოს ხელისუფლების მიერ სამოქალაქო საზოგადოების ფუნქციონირებისთვის გაუარესებულ გარემო სასახავს. TV Imedi-ის გვერდზეა ღნიშნული პოსტი აღარ იძებნება, Metaს რეკლამების ბიბლიოთეკაში კი POSTVის მიერ გაშვებული რეკლამა კი „კომპანიის რეკლამის სტანდარტების დამრღვევად” მოინიშნა და მისი მოქმედება შეჩერდა.
სამოქალაქო ორგანიზაციებისა და ხელისუფლების მიმართ კრიტიკული მედია საშუალებების მადისკრედიტირებელი პოსტები დაარეკლამა „ქართული ოცნების“ერთ–ერთმა პარტიულმა ფეისბუქ გვერდმა – „სინამდვილეში“. პოსტი, რომელიც მედიის დისკრედიტაციას ეხებოდა, დაარეკლამა „PosTV–ახალი ამბებმაც“, – ნათქვამია ISFED-ის განცხადებაში.
ISFED-ის თქმით, პოსტების ნაწილი კანონპროექტის მნიშვნელობას შეეხებოდა. საინფორმაციო ბარათები („ქარდები“), რომლებზეც კანონპროექტის დეტალები მანიპულაციურადაა განმარტებული, შალვა პაპუაშვილის, მედიასაშუალებებისა და ანონიმურად მოქმედი აქტორების ფეისბუქგვერდებსა და ინსტაგრამის ანგარიშებზე დარეკლამდა. „ქარდების” უმრავლესობა იდენტური შინაარსისაა და მხოლოდ დიზაინით განსხვავდება.
ISFE-ის განცხადებით, საჯარო მოხელეების მიერ „ქარდების”, სავარაუდოდ, კოორდინირებულად ვრცელდებოდა.
„უცხოური გავლენის გამჭვირვალობის შესახებ“ კანონპროექტის მხარდამჭერ კამპანიაში, მმართველი პარტიის ეროვნულ და ადგილობრივ წარმომადგენლებთან ერთად, მუნიციპალიტეტების ორგანოებში დასაქმებული საჯარო მოხელეებიც ჩაერთნენ. მთელი ქვეყნის მასშტაბით ადგილობრივ თვითმმართველობაში ადმინისტრაციული და შრომითი ხელშეკრულებით დასაქმებულმა პირებმა ფეისბუქის პირად ანგარიშზე იდენტური საინფორმაციო ბარათებიგამოაქვეყნეს. „სამართლიანმა არჩევნებმა“ 30 მუნიციპალიტეტის ორგანოში დასაქმებული 96 საჯარო მოსამსახურე გამოავლინა, რომლებმაც 3-4 აპრილის განმავლობაში ფეისბუქის პირად ანგარიშზე იდენტური „ქარდები” საჯარო პოსტის სახით გამოაქვეყნეს”, – წერია ISFED-ის განცხადებაში.
