პირველი საუნივერსიტეტო კლინიკის ხელმძღვანელი ლევან რატიანი აცხადებს, რომ მსახიობ კახი კავსაძეს, რომელსაც კორონავირუსი დაუდგინდა, დადებითი დინამიკა აქვს და გაუმჯობესებულია სუნთქვის პარამეტრებიც.
„კახი კავსაძე შემოიყვანეს გუშინ, დაახლოებით 14:00 საათზე. მდგომარეობა შემოყვანისას იყო კრიტიკული. ჩატარდა ყველა ღონისძიება. დადასტურებულია კოვიდინფექცია. მინდა, გითხრათ, რომ კოვიდინფექციის მძიმე ხარისხი ბატონ კახისთან ამ ეტაპზე არ იკვეთება. კლინიკურად სახეზე იყო ძირითადი დაავადება, რომელიც დააპროვოცირა კოვიდინფექციამ. ამ ეტაპზე დადებითი დინამიკა შეინიშნება. ჰემოდინამიკა გახდა სტაბილური, სუნთქვის პარამეტრები გაუმჯობესებულია. ვიმედოვნებ, რომ ჩატარებული ღონისძიებები და ის, რაც მომავალში ჩაუტარდება, გამოიწვევს პაციენტის გამოჯანმრთელებას“, – განაცხადა ლევან რატიანმა.
