უკრაინის სტრატეგიული კომუნიკაციებისა და ინფორმაციული უსაფრთხოების ცენტრი ავრცელებს ინფორმაციას, რომ კანადამ მხარი დაუჭირა უკრაინისთვის უვიზო რეჟიმის შემოღებას და მთავრობას დაავალა, მიიღოს ეს გადაწყვეტილება.
„უვიზო რეჟიმი კანადასთან: ქვეყნის პარლამენტმა მხარი დაუჭირა უკრაინელებისთვის ვიზის გაუქმებას“, – წერს ცენტრი.
მათვე ცნობით, უკრაინასთან უვიზო რეჟიმის დაწესებას მანამდე კანადის პარლამენტის მუდმივმოქმედმა კომიტეტმა დაუჭირა მხარი.
კანადაში 25 თებერვალს უკრაინელებისთვის ვიზების გაცემა გამარტივდა და დაჩქარდა, 8 მარტს კი შესაძლო უვიზო რეჟიმის შემოღებაზე განხილვა დაიწყო.
