ნინო ხარატიშვილის რომანის – „მერვე სიცოცხლე” (ბრილკას)“ ინგლისური თარგმანი ვარვიკის პრემიის 2020 წლის გამარჯვებულია. ინფორმაციას ამის შესახებ გამომცემლობა „ინტელექტი“ აქვეყნებს.
ვარვიკის ყოველწლიური პრემია 2017 წელს დაარსდა და გაიცემა ქალი ავტორების ინგლისურენოვანი თარგმანებისთვის, რომლებიც კალენდარული წლის განმავლობაში, ბრიტანულმა ან ირლანდიურმა გამომცემლობებმა გამოსცეს.
წიგნი, რომელიც ჯაშების ოჯახის ექვსი თაობის ისტორიას მოგვითხრობს, გამომცემლობა „Scribe Publications“-მა გამოსცა, გერმანულიდან კი შარლოტა კოლინზმა და რუთ მარტინმა თარგმნეს.
