რუსული კინოთეატრების ქსელში შემავალმა ხუთმა უმსხვილესმა კინოთეატრმა გადაწყვიტა, არ გაზარდოს ბილეთების ფასი. მიზანი აუდიტორიის შენარჩუნებაა. ინფორმაციას რუსული გამოცემა „ვედომოსტი“ ავრცელებს.
აღნიშნული კინოთეატრები, რომელთაც ბაზრის 30% უჭირავთ, ჰოლივუდური ფილმების ნაცვლად აჩვენებენ საბჭოთა, ინდურ და ლათინოამერიკულ, ასევე სამხრეთ კორეულ ფილმებს.
კინოთეატრების ერთ-ერთი ქსელის გენერალურმა დირექტორმა „ვედომოსტს“ უთხრა, რომ სანქციების გამო 80%-ით გაიზარდა კინოპროექტორების ნათურებისა და სხვადასხვა ნაწილის ფასი. გამოცემის ცნობით, გასულ კვირას სამხრეთ კორეული ჯგუფის BTS-ის კონცერტი ლიდერობდა სალაროებში ბილეთების გაყიდვის მხრივ.
Paramount, Disney, Sony, Warner Bros ყველა პრემიერა გააუქმა რუსეთში. რუსეთში არც „ბეტმენის“ პრემიერა არ გამართულა.
