საქართველოში კორონავირუსის 4 ახალი შემთხვევა გამოვლინდა. ამის შესახებ მონაცემები მთავრობის სპეციალურ ვებგვერდ stopcov.ge-ზე განახლდა.
გამოჯანმრთელებულთა რაოდენობა კი 3-ით გაიზარდა.
ინფექციური საავადმყოფოს კლინიკური დირექტორის მარინა ეზუგბაიას თქმით, 4 ახალი შემთხვევიდან 3 არის შემოტანილი შემთხვევა. მათგან 2 არის სატვირთო მანქანის მძღოლი, ერთი საკარანტინე სივრცეში გამოვლენილი შემთხვევა. მეოთხე შემთხვევის წყაროს მოძიებისთვის კი მიმდინარეობს კვლევები.
მისი ცნობით, დღეის მდგომარეობით, Covid-ცენტრებში 143 პაციენტი მკურნალობს;
ამ დროისთვის განახლებული მონაცემები ასეთია:
- კორონავირუსის დადასტურებული შემთხვევა – 1003;
- მათ შორის გამოჯანმრთელებული – 873;
- მათ შორის გარდაცვლილი – 15;
- კარანტინის რეჟიმში – 5 640;
- სტაციონარში მეთვალყურეობის ქვეშ – 244;
- *უცხოეთიდან სამკურნალოდ გადმოყვანილი საქართველოს მოქალაქეები – 31;
