„ლელოს“ ლიდერი მამუკა ხაზარაძე აცხადებს, რომ მისი პარტია 16 ივნისის აქციას შეუერთდება და ასევე მოუწოდებს საზოგადოებას, მივიდნენ 20 ივნისის აქციაზე.
„დღეს როგორც არასდროს გვჭირდება ერთიანობა, როგორც არასდროს გვჭირდება სახელმწიფოებრივი ნაბიჯების გადადგმა. ამ დღეებში ჩვენი ქვეყნის ევროპული პერსპექტივის საკითხი წყდება, ჩვენი ვალია ვანახოთ ევროპას ქართველი ხალხის ურყევი არჩევანი, დავდგეთ ერთად ყოველგვარი პარტიული, ეთნიკური თუ რელიგიური მრწამსის მიუხედავად. ლელო იქნება 16 აქციაზეც და ყველას მოუწოდებს რომ მოვიდნენ 20 ივნისის აქციაზე საქართველო და მისი ინტერესი უპირველეს ყოვლისა!!“, – წერს ხაზარაძე სოციალურ ქსელში.
