ლიეტუვას ელჩი საქართველოში ანდრიუს კალინდრა ტვიტერზე წერს, რომ შეშფოთებულია ნიკა გვარამიას დაკავების გამო.
„შეშფოთებული ვარ მთავარი არხის გენერალური დირექტორის, ნიკა გვარამიას სასჯელისა დაპატიმრების გამო. ყურადღებით ვაკვირდებით მოვლენებს, რამაც შესაძლოა უარყოფითი ზეგავლენა მოახდინოს დემოკრატიასა და სიტყვის თავისუფლებაზე საქართველოში. ლიეტუვას არ სურს, ასე მოხდეს” – დაწერა მან.
Concerned to learn about sentencing and arrest of Nika Gvaramia, General Director of @MtavariChannel. We are closely following developments that could have negative effects to democracy and freedom of speech in #Georgia – Lithuania ?? would not like to see this happen
— Andrius Kalindra (@a_kalindra) May 16, 2022
ტელეკომპანია „მთავარის“ დამფუძნებელსა და მეწილეს, ნიკა გვარამიას დღეს სასამართლომ 3.6 წელი მიუსაჯა. გვარამიას 2019 წელს ბრალი 4 მუხლით წარუდგინეს. მოსამართლე ლაშა ჩხიკვაძის დღევანდელი განაჩენით, გვარამია წარდგენილ 3 მუხლში გამართლდა.
კერძოდ, გამართლდა:
- ყალბი დოკუმენტის, ბეჭდის, შტამპის ან ბლანკის დამზადება, გასაღება ან გამოყენება (362-ე მუხლის მეორე ნაწილის „ბ“ ქვეპუნქტი);
- კომერციული მოსყიდვა (221-ე მუხლის მესამე ნაწილი);
- უკანონო შემოსავლის ლეგალიზაცია (ფულის გათეთრება) (194-ე მუხლის მესამე ნაწილის „გ“ ქვეპუნქტი).
რაც შეეხება ბრალად წარდგენილ მეოთხე მუხლს– მითვისება ან გაფლანგვა (182-ე მუხლის მეორე ნაწილის „ა“ და „დ“ ქვეპუნქტები და ამავე მუხლის მესამე ნაწილის „ბ“ ქვეპუნქტი), მოსამართლემ ბრალი გადააკვალიფიცირა უფლებამოსილების ბოროტად გამოყენების მუხლზე (სსკ-ის 220-ე მუხლზე) და ამ ნაწილში ცნო ის დამნაშავედ.
აღნიშნული მუხლით მოსამართლემ გვარამია დამნაშავედ ორ ეპიზოდზე ცნო.
I – საუბარია ე.წ. 2015 წლის ამბავზე – ამ ნაწილში პროკურატურა გვრამიას ტელეკომპანია „რუსთავი-2-სთვის“ 6 763 509 ლარის ზიანის მიყენებაში სდებდა ბრალს. აღნიშნულ საქმეზე მოსამართლემ გვარამიას 50 000 ლარის ჯარიმა შეუფარდა.
II ეპიზოდს კი ე.წ. ავტომობილის საქმედ მოიხსენიებენ. სწორედ ამ საქმეზე მიესაჯა გვარამიას 3 წლითა და 6 თვით თავისუფლების აღკვეთა.
