მწერალთა სახლის ცნობით, მთარგმნელობითი კონკურსის „ლიტერა მთარგმნელებისთვის” სამ ნომინაციაში 92 წიგნი შევიდა.
კონკურსი 2020 წელს დაარსდა და წელს პირველად 4 ნომინაციაში გაიცემა. ეს ნომინაციებია:
- საუკეთესო ახალგაზრდა მთარგმნელი (პროზა, პოეზია; ასაკი 35 წლის ჩათვლით);
- საუკეთესო პროზაული თარგმანი (რომანი, მოთხრობების კრებული);
- საუკეთესო თარგმანი ჰუმანიტარულ-სამეცნიერო და სამეცნიერო-პოპულარულ ლიტერატურაში (ფილოლოგია, ფსიქოლოგია, სოციოლოგია);
- დავით წერედიანის სახელობის პრემია მთარგმნელობით საქმიანობაში შეტანილი წვლილისთვის.
ლიტერატურული პრემია საკონკურსოდ განიხილავს 2019 წელს ქართულ ენაზე წიგნად გამოცემულ ლიტერატურულ თარგმანებს. კონკურსანტების მოკლე ნუსხას ჟიური დეკემბრის დასაწყისში წარადგენს, დაჯილდოების ცერემონია კი 20 დეკემბერს მწერალთა სახლში გაიმართება. თითოეულ ნომინაციაში გამარჯვებული მიიღებს ფულად პრემიასა (5 000 ლარს) და სპეციალურ პრიზს. ახალი პრემიის მიზანი მთარგმნელობითი საქმიანობის ხელშეწყობა და სტიმულირებაა.
იხილეთ გრძელი სია:
