მთარგმნელობითი ლიტერატურული პრემია „ლიტერა მთარგმნელებისთვის“ მოკლე სია ცნობილია. საკონკურსოდ შემოსული 92 წიგნიდან კონფიდენციალურმა ჟიურიმ ფინალისტები სამ ნომინაციაში დაასახელა:
საუკეთესო ახალგაზრდა მთარგმნელი
- ბექა არაბული, მარკ ლოურენსი, „ეკლების უფლისწული“; გამომცემლობა „პალიტრა-L“;
- სალომე ბენიძე, რუპი კაური, „რძე და თაფლი“ ; გამომცემლობა „პალიტრა-L“;
- თათია მემარნიშვილი, იუკიო მიშიმა, „ნიღბის აღსარება“; გამომცემლობა „დიოგენე“
საუკეთესო ჰუმანიტარულ-სამეცნიერო და სამეცნიერო-პოპულარული ლიტერატურის თარგმანი
- მარინა ბალავაძე, ალბერ კამიუ, „ამბოხებული ადამიანი“; გამომცემლობა აგორა;
- ნიკა სამუშია, ლინდა ვუდჰედი, „ქრისტიანობა: ძალიან მოკლე შესავალი“; სულაკაურის გამომცემლობა;
- თამარ სუბელიანი, ჯილიან ბატლერი, ფრედა მაკმანუსი, „ფსიქოლოგია: ძალიან მოკლე შესავალი“; სულაკაურის გამომცემლობა;
- ლალი უნაფქოშვილი, ჟულიენ გრაკი, „ქალაქის ფორმა“; გამომცემლობა „აგორა“;
- თინა ღარიბაშვილი, გუსტავ ფლობერი, საყოველთაოდ მიღებული აზრების ლექსიკონი; გამომცემლობა „არტანუჯი“.
საუკეთესო პროზაული თარგმანი
- მაია ბადრიძე,ქრისტოფ რანსმაირი, „უკანასკნელი სამყარო“, გამომცემლობა „დიოგენე“;
- ლელა დუმბაძე, პამელა ტრავერსი,„მერი პოპინსი“, გამომცემლობა „დიოგენე“;
- თამარ ლომიძე, აირის მერდოკი, „შავი პრინცი“, გამომცემლობა „დიოგენე“;
- თინა ღარიბაშვილი, მიშელ ტურნიე, „მეტეორები“, გამომცემლობა „ალეფი“,
- რუსუდან ღვინეფაძე, ჰერმან ბროხი, „ვერგილიუსის სიკვდილი“, გამომცემლობა „ალეფი“;
- ელისაბედ ყვავილაშვილი, მარიო ვარგას ლიოსა, „ბოლო ჟამის ომი“, „სულაკაურის გამომცემლობა“;
- ხათუნა ცხადაძე, მელანია მაცუკო, „ვიტა“, „სულაკაურის გამომცემლობა“;
- ზაზა ჭილაძე, უილიამ ფოლკნერი, „დაუმარცხებლები“, გამომცემლობა „არტანუჯი“;
- თაკო ჭილაძე, თომას ვულფი, „შინ ვეღარასოდეს დაბრუნდები“, გამომცემლობა „არტანუჯი“;
- თამარ ჯაფარიძე, ჯუნოუ დიაზი, „ოსკარ უაოს ხანმოკლე და უჩვეულო ცხოვრება“, გამომცემლობა „პალიტრა-L“.
დაჯილდოების ცერემონიაზე ჟიური კიდევ ერთ გამარჯვებულს გამოავლენს, რომელიც მიიღებს დავით წერედიანის სახელობის პრემიას მთარგმნელობით საქმიანობაში შეტანილი წვლილისთვის.
ქვეყანაში შექმნილი ეპიდსიტუაციიდან გამომდინარე „ლიტერა მთარგმნელებისთვის“ დაჯილდოების ცერემონია 18 დეკემბერს ონლაინ რეჟიმში გაიმართება.
მთარგმნელობითი კონკურსი „ლიტერა მთარგმნელებისთვის“ საქართველოს განათლების, მეცნიერების, კულტურისა და სპორტის სამინისტროს ფინანსური მხარდაჭერითა და მწერალთა სახლის ინიციატივით 2020 წელს დაარსდა და წელს პირველად გაიცემა. პრემიის მიზანია მთარგმნელობითი საქმიანობის ხელშეწყობა და სტიმულირება.
